“INSON KAPITALIGA INVESTITSIYALAR VA RAQAMLI INFRATUZILMANING IQTISODIY O‘SISHGA TA’SIRI: O‘ZBEKISTON HUDUDLARI MISOLIDA”

Abstract

Mazkur maqolada inson kapitaliga investitsiyalar va raqamli infratuzilmaning iqtisodiy o‘sishga ta’siri O‘zbekiston Respublikasi hududlari misolida empirik tahlil qilingan. Tadqiqotda inson kapitalining asosiy tarkibiy qismlari sifatida ta’lim, sog‘liqni saqlash va internetdan foydalanish darajasining iqtisodiy rivojlanishdagi o‘rni yoritilgan. 2015–2024-yillar oralig‘ida 14 ta hudud bo‘yicha panel ma’lumotlar asosida investitsiyalar va internet ko‘rsatkichlarining yalpi hududiy mahsulotga ta’siri ekonometrik model yordamida baholangan. Natijalarga ko‘ra, investitsiyalar va raqamli infratuzilma iqtisodiy o‘sishga ijobiy va statistik jihatdan ahamiyatli ta’sir ko‘rsatishi aniqlangan. Tadqiqot yakunida inson kapitalini rivojlantirish va hududlararo iqtisodiy tafovutlarni kamaytirishga qaratilgan takliflar ishlab chiqilgan.