YO‘L BO‘YIDAGI XIZMAT KO‘RSATISH OBYEKTLARINING QISHLOQ AHOLISINI ISH BILAN TA’MINLASHDAGI O‘RNI

Abstract

Mazkur tezisda yo‘l bo‘yidagi xizmat ko‘rsatish obyektlarining qishloq aholisini ish bilan ta’minlashdagi o‘rni va iqtisodiy samaradorligi ilmiy jihatdan tahlil qilinadi. Tadqiqotda avtomobil yo‘llari bo‘ylab joylashgan yoqilg‘i quyish shoxobchalari, umumiy ovqatlanish korxonalari, savdo nuqtalari, avtotexnik servis markazlari hamda turistik xizmat obyektlarining qishloq hududlarida yangi ish o‘rinlari yaratish, daromadlarni oshirish va mahalliy iqtisodiy faollikni kuchaytirishdagi ahamiyati o‘rganildi. Statistik va taqqoslama tahlil natijalari shuni ko‘rsatadiki, yo‘l bo‘yidagi servis infratuzilmasining rivojlanishi qishloq joylarda bandlik darajasining oshishiga, mehnat migratsiyasining kamayishiga va oilaviy tadbirkorlikning kengayishiga ijobiy ta’sir ko‘rsatadi. Shu bilan birga, mazkur obyektlar mahalliy byudjet tushumlarini ko‘paytirish va hududiy iqtisodiy barqarorlikni ta’minlashda muhim omil hisoblanadi.