TA’LIM JARAYONIDA MUAMMOLI TA’LIM METODIKASIDAN FOYDALANISHNING AHAMIYATI VA UNING PEDAGOGIK-PSIXOLOGIK IMKONIYATLARI

Abstract

Zamonaviy axborot texnologiyalari shiddat bilan rivojlanayotgan davrda ta’lim tizimi oldiga qo‘yilayotgan asosiy talab — faqatgina tayyor bilimlarni uzatish emas, balki talaba va o‘quvchilarda mustaqil fikrlash, tahlil qilish va nostandart vaziyatlarda to‘g‘ri qaror qabul qilish ko‘nikmalarini shakllantirishdir. Hozirgi kunda dars mashg‘ulotlarida qo‘llanilayotgan “Aqliy hujum”, “Esse” yoki “Venn diagrammasi” kabi metodlar o‘z samarasini bermoqda. Biroq, ta’lim oluvchining ichki potensialini to‘liq yuzaga chiqarishda “Muammoli ta’lim” (Problem-Based Learning - PBL) metodikasi alohida o‘ringa ega. Ushbu maqolada muammoli ta’limning nazariy asoslari va uning tibbiyot yo‘nalishi misolida amaliy qo‘llanilishi tahlil qilinadi.