TALABALAR OILA XAQIDAGI TASAVVURLARINING OILA MUSTAHKAMLIGIGA TA’SIRI

Аннотация

Mazkur maqolada talabalarda oila haqidagi tasavvurlar va ularning kelajakdagi oilaviy barqarorlikka ta’siri tahlil qilinadi. Talabalik davri shaxsning oila haqidagi qarashlari va qadriyatlarini shakllantiradigan muhim bosqichdir. Ushbu qarashlar er-xotin munosabatlari, nikohga tayyorgarlik, muloqot madaniyati va oilaviy barqarorlik darajasiga bevosita ta’sir ko‘rsatadi. Oila jamiyatning asosiy ijtimoiy instituti bo‘lib, uning mustahkamligi har bir shaxsning ongida shakllangan oilaviy qarashlar bilan bog‘liq. Talabalik davri shaxsning dunyoqarashi va qadriyatlar tizimi faol shakllanadigan davr hisoblanadi.Oila munosabatlari deganda biz, ijtimoiy psixologik jihatdan ma’lum guruh munosabatini ya’ni yaqin qarindoshlar o‘rtasidagi muloqot jarayonini tushunamiz. Bunga eng avvalo, ota-ona va farzand, er va xotin, qaynona va kelin hamda shu kabi oila a’zolari o‘rtasidagi muloqot munosabatlari tushuniladi. Tarixiy turmush tajribalaridan ma’lumki oiladagi eng nozik va ziddiyatli masalalardan biri bu qaynona va kelin munosabatlardir.