ICHKI ISHLAR ORGANLARINING UYUSHGAN JINOIY TUZILMALAR TARKIBIGA YOSHLARNI JALB QILISH BILAN BOG‘LIQ HOLATLARGA QARSHI KURASHISH FAOLIYATI TUSHUNCHASINING TAHLILI

Abstract

Hozirgi davrda uyushgan jinoyatchilik milliy xavfsizlikka, jamiyat barqarorligiga va davlatning ijtimoiy-iqtisodiy taraqqiyotiga jiddiy tahdid soluvchi omillardan biri sifatida e’tirof etilmoqda. Ayniqsa, uyushgan jinoiy tuzilmalar tomonidan yoshlarni o‘z faoliyatiga jalb qilish holatlarining ko‘payishi mazkur muammoning ijtimoiy xavflilik darajasini yanada oshirmoqda. Chunki yoshlar har qanday davlatning strategik resursi va kelajak taraqqiyotini belgilovchi muhim ijtimoiy qatlam hisoblanadi. Shu bois ularni jinoiy ta’sirlardan muhofaza qilish davlat siyosatining ustuvor yo‘nalishlaridan biri hisoblanadi.