ЖАЗОДАН ОЗОД ҚИЛИНГАН ШАХСЛАР БИЛАН ПРОФИЛАКТИК ИШЛАРНИ РЕЦИДИВ ХАВФИ АСОСИДА ТАШКИЛ ЭТИШ МАСАЛАЛАРИ

Abstract

Жазодан озод қилинган шахслар томонидан такроран жиноят содир этилишининг самарали профилактикаси барча шахсларга бир хил чораларни қўллашни эмас, балки уларни такроран жиноят содир этиш хавфи ва криминоген эҳтиёжларига қараб табақалаштиришни талаб этади. Шу боис профилактика субъектларининг иштирок даражаси, профилактик таъсирнинг ҳажми ва интенсивлиги ҳамда мавжуд ресурсларни шахснинг хавф даражасига мутаносиб равишда белгилаш замонавий профилактика тизимини такомиллаштиришнинг муҳим йўналишларидан бири ҳисобланади.