MIRZA KENJABEK SHE’RLARIDA RUHIYAT TASVIRI VA TASVIR RUHIYATI: “IBODAT” SHE’RI MISOLIDA

Abstract

Mazkur maqolada zamonaviy o‘zbek sheʼriyatining yirik namoyandalaridan biri Mirza Kenjabek ijodida ruhiyat masalasi ilmiy-filogik jihatdan keng qamrovli tahlil qilinadi. Tadqiqot obyekti sifatida shoirning “Ibodat” sheʼri tanlanib, unda ibodat tushunchasining diniy, falsafiy va psixologik qatlamlari aniqlanadi. Tadqiqotda matnshunoslik, badiiy-tahliliy, psixologik hamda qiyosiy metodlardan foydalanildi. Tahlil natijasida Mirza Kenjabek ijodida ibodat tushunchasi faqat diniy amal emas, balki inson hayotining barcha jabhalarini qamrab oluvchi maʼnaviy-estetik kategoriya ekanligi isbotlandi. Maqolaning ilmiy yangiligi shundaki, “Ibodat” sheʼri ilk bor ruhiyat tasviri va tasvir ruhiyati nuqtayi nazaridan kompleks tahlil qilinadi. Tadqiqot natijalari zamonaviy o‘zbek sheʼriyatini o‘rganishda, ayniqsa diniy-falsafiy poetikani tahlil qilishda amaliy ahamiyat kasb etadi.