КИБЕР ФИРИБГАРЛИК ЖИНОЯТЛАРИНИНГ ТУШУНЧАСИ ВА ИЖТИМОИЙ ХАВФИ

Abstract

Сўнгги йилларда ахборот-коммуникация технологиялари орқали содир этилаётган жиноятлар ва уларнинг турлари кескин кўпайиб бормоқда. Айниқса, охирги пайтларда кибер фирибгарлик билан боғлиқ жиноятларнинг кўпайиб бораётганлиги натижасида кўпгина фуқаролар ушбу турдаги жиноятнинг жабрланувчисига айланмоқда. Масалан, 2025 йилда 14 миллиондан ортиқ киберҳужум амалга оширишга уриниш қайд этилган бўлса, 2024 йилда бу кўрсаткич 12 миллионни ташкил этган[1]. Кўриниб турибдики, ушбу турдаги жиноятларнинг сони ҳар йили тобора ортиб бормоқда.