GLOBALLASHUV SHAROITIDA YOSHLAR ONGIDA IDEAL QAHRAMON OBRAZINI SHAKLLANTIRISHNING MA’NAVIY-PSIXOLOGIK ASOSLARI

Abstract

Mazkur maqolada globallashuv sharoitida yoshlar ongida ideal qahramon obrazini shakllantirishning ma’naviy-psixologik asoslari tahlil qilinadi. Bugungi kunda globallashuv jarayonlari ommaviy axborot vositalari, internet va madaniy almashinuv orqali yoshlarning dunyoqarashi, qadriyatlari va xulq-atvoriga sezilarli ta’sir ko‘rsatmoqda. Natijada “ideal qahramon” tushunchasi ham o‘zgarib, ayrim hollarda milliy qadriyatlardan uzoqlashgan holda shakllanmoqda. Maqolada yoshlar ongida sog‘lom va barkamol ideal obrazni shakllantirishda milliy an’analar, ma’naviy meros hamda umuminsoniy qadriyatlarning uyg‘unligini ta’minlash zarurligi asoslab beriladi. Shuningdek, ta’lim tizimi, oila va jamiyatning bu boradagi o‘rni alohida yoritiladi. Psixologik omillar — motivatsiya, o‘zlikni anglash va qadriyatlar tizimi muhim komponent sifatida ko‘rib chiqiladi. Tadqiqot natijalariga ko‘ra, yoshlar ongida ijobiy ideal qahramon obrazini shakllantirish ularning ma’naviy barkamolligini ta’minlashda muhim ahamiyat kasb etadi.