МАИШИЙ-ТУРМУШ СОҲАСИДАГИ ЖИНОЯТЛАРНИНГ САБАБ ВА ШАРОИТЛАРИ ТАҲЛИЛИ

Abstract

Бугунги кунда маиший-турмуш соҳасида содир этилаётган жиноятлар нафақат шахснинг ҳуқуқ ва эркинликларига, балки жамиятнинг барқарорлиги, оила институтининг самарали фаолияти ва шахс хавфсизлигига ҳам жиддий таҳдид солади. Хусусан, шахснинг ҳаёти ва соғлиғига қарши қаратилган қасддан жиноятлар кўпинча оила аъзолари, яқин қариндошлар ёки бирга яшовчи шахслар томонидан содир этилади. Бу ҳолат маиший-турмуш соҳасидаги жиноятларнинг криминологик хусусиятларини чуқур ўрганишнинг зарурлигини кўрсатади.