РОТАВИРУС ИНФЕКЦИЯСИ БИЛАН КАСАЛЛАНГАН БОЛАЛАРДА ГУМОРАЛ ИММУН ТИЗИМИДАГИ ЎЗГАРИШЛАРНИ АНИҚЛАШ.

Abstract

Ротавирус инфекцияси (РВИ) болалик даврида диареянинг энг кенг тарқалган сабабидир. ЖССТ мутахассисларининг фикрига кўра, деярли ҳар бир бола ҳаётининг дастлабки уч-беш йилида, ирқи ёки ижтимоий-иқтисодий ҳолатидан қатьий назар, ротавирус инфекциясини бошдан кечиради (ЖССТ,2024). Касалликнинг оғир ҳолатлари турли даражадаги эксикоз ривожланиши, углевод ферментациясининг бузилиши, ичак дисбиози, асоратлар хавфи юқори бўлиши (гиповолемик шок, марказий асаб тизимининг шикастланиши) ва натижада беморнинг аҳволи ёмонлашиши ва касалхонада ётиш муддатининг узайишига олиб келади. Шубҳасиз, ошқозон –ичак трактидаги дисбиотик жараёнлар болаларда ўткир ичак инфекцияларини (ЎИИ) ривожланишида муҳим роль ўйнайди. Шу сабабли, ЎИИ этиологик омилининг касалликнинг клиник кўринишларига, иммун жавобининг йўналишига ва касалликнинг кечиши ва натижасига таъсирини ўрганиш муҳим аҳамиятга эга.