MAKTABGACHA TA’LIMDA RAQAMLI PLATFORMALARNI QO‘LLASHDA XORIJIY TAJRIBA: NAZARIY-TAHLILIY YONDASHUV

Abstract

Mazkur tezisda maktabgacha ta’lim tizimida raqamli platformalarni qo‘llashning nazariy asoslari hamda xorijiy tajriba chuqur tahlil qilingan. Tadqiqotning asosiy maqsadi rivojlangan mamlakatlar tajribasi asosida raqamli platformalardan foydalanish samaradorligini aniqlash va ularni milliy tizimga moslashtirish imkoniyatlarini baholashdan iborat. Tahlillar shuni ko‘rsatadiki, raqamli platformalar ta’lim jarayonini individuallashtirish, boshqaruvni avtomatlashtirish va ta’lim sifatini oshirishda muhim vosita hisoblanadi. Shu bilan birga, texnologik infratuzilma va inson kapitali bilan bog‘liq muammolar mavjudligi aniqlangan. Tadqiqot yakunida maktabgacha ta’lim tizimida raqamli platformalarni samarali joriy etish bo‘yicha ilmiy asoslangan takliflar ishlab chiqilgan.