TA’LIMNING FUNKSIYALARI VA ZAMONAVIY PARADIGMALARI

Abstract

Taʼlim - tizimli bilim olishning eng muhim va ishonchli usulidir. Tizim esa mustaqil tushuncha sifatida o‘zaro bog‘langan ko‘plab elementlarning tarkibiy qismlari o‘rtasidagi mustahkam birlik va o‘zaro yaxlitlikdir. Taʼlim jarayonining “yaxlitligi” “tizimliligi” va “majmuaviyligi”ni bir xilda talqin etish mumkin emas. Biroq, taʼlim jarayonining yaxlitligi uning tizimliligi bilan uzviy bog‘liqdir. U yaxlit tizim sifatida o‘zaro bog‘liq quyidagi ko’plab elementlarni o‘z ichiga oladi: taʼlim maqsadi, o‘quv axborotlari, o‘qituvchi va o‘quvchilarning taʼlimiy faoliyatlari, uning shakllari, pedagogik muloqot vositalari, shuningdek, taʼlim jarayonini boshqarish usullari.